Фабриката за шински возила "Колска" од Велес со компанијата "Феро никел" од Косово склучи бизнис-зделка тешка 350.000 евра. Дваесет и четири товарни вагони на косовската фирма се обврза Колска" да ги поправи во рок од 75 дена. Првите осум се веќе готови и во текот на наредниве неколку дена ќе бидат испорачани, а следната недела ќе пристигне втората пратка од осум вагони. Ваков договор со странска фирма "Колска" потпишува после десет години на ваква сума и со толкав број вагони. Успешно го реализиравме првиот дел од проектот. Првите осум се успешно направени. Косовската компанија е задоволна од нас и ова е само доказ дека можеме да бидеме конкурентни на пазарот на Балканот и во иднина да ја заборавиме онаа слика што ја имала Колска. Велешката фабрика за шински возила има добра соработка и со јавното претпријатие "Македонски железници". Моментално на поправка се три патнички вагони од кои едниот во сообраќај ќе биде пуштен следната недела, а останатите до крајот на годинава.
Фабриката за шински возила "Колска" од Велес со компанијата "Феро никел" од Косово склучи бизнис-зделка тешка 350.000 евра.
Дваесет и четири товарни вагони на косовската фирма се обврза Колска" да ги поправи во рок од 75 дена. Првите осум се веќе готови и во текот на наредниве неколку дена ќе бидат испорачани, а следната недела ќе пристигне втората пратка од осум вагони.
- Ваков договор со странска фирма "Колска" потпишува после десет години на ваква сума и со толкав број вагони. Успешно го реализиравме првиот дел од проектот. Првите осум се успешно направени. Косовската компанија е задоволна од нас и ова е само доказ дека можеме да бидеме конкурентни на пазарот на Балканот и во иднина да ја заборавиме онаа слика што ја имала Колска" - рече Александар Атанасов, директор на "Колска".
Според него велешката фабрика за шински возила има добра соработка и со јавното претпријатие "Македонски железници". Моментално на поправка се три патнички вагони од кои едниот во сообраќај ќе биде пуштен следната недела, а останатите до крајот на годинава. За моменталната состојба со железничкиот сообраќај во Македонија директорот на "Колска" вели дека вината е во претходните раководители на железницата.
- Проблемот е во претходните директори кои оставиле работите да се таложат. Тоа тлеело, тлеело и сега мораше да се појави проблемот. Нема доволно патнички вагони - рече Атанасов.
Дека вработените се подготвени да прифатат работа, зборува и фактот што за една година тие реконструираа седум патнички вагони. Наредната година 220 вработени очекуваат да поправат уште толку.